Go to Main PagePH International (Project Harmony) on Facebook
ԱՄՆՌուսաստանMakedonianՎրաստանՀայաստանՈւկրաինա
Honor the Past and Invest in the Future:
Home Մեր մասին Գործունեությունը Գրասենյակներ Մեր նվաճումները Ձեր օժանդակությունը Նորություններ
06.09.2010 | zang | ԱՐՇԱՎ ԴԵՊԻ ԳՈՇԱՎԱՆՔ (ԵՎ ՈՉ ՄԻԱՅՆ ...)
Success:

- Էրեխեք, հիմա մի հարց եմ տալիս ձեզ. ինչ պետք է անել եկեղեցուց գողացողների հետ:

- Պատժել...

- Ծեծել...

- Մահապատժի ենթարկել...

- Ամոթահար անել ու մեկուսացնել...

- Իսկ Մխիթար Գոշը 12-րդ դարում իր ՙԴատաստանագրքում՚ այսպես է գրում. ՙԵթե ժառանգավորներից կամ ժողովրդականներից մեկը գողանա եկեղեցուց մոմեղեն, կամ ձեթ, որոշումն այսպես է. հնգապատիկը պիտի տուժի... Եվ չլինի որեւէ մեկը, որ կարիքի համար անգամ գողանա, որովհետեւ գողությունը օրինազանցություն է եւ եթե մեկը բռնվի` պատուհասված պիտի դատվի՚:

- Իսկ մեր քրեական օրենսգրքով ներկայումս գողության համար հետևյալ պատիժներն են սահմանվում...

Overview:

Այս զրույցը մի հատված է օգոստոսի 15-ին դեպի Գոշավանք կազմակերպված արշավի ընթացքից: Նման քննարկումների միջոցով Վանաձորի ՀՎԿ անդամները արշավի մասնակիցներին ներկայացնում էին տարբեր իրավախախտումներ ու համեմատություններ անցկացնում 12-րդ դարի հայ ականավոր առակագիր ու օրենսդիր Մխրթար Գոշի ՙԴատաստանագրքով՚ ու ներկայումս գործող ՀՀ Քրեական օրենսգրքով այդ իրավախախտումների համար նախատեսված տույժերի միջև: Արշավի մասնակիցները Վանաձորի ՀՎԿ ուղղորդված անչափահաս իրավախախտներն ու Վանաձորի թիվ 5 դպրոցի ԱՎԽ-ի ներկայացուցիչներն էին: Հրավիրված էին նաև ՀՎԿ կամավորներ ու համագործակիցներ, այդ թվում` Վանաձորի ԱԳԽ հանձնաժողովի գլխավոր մասնագետ Լեռնուհի Գևորգյանը, Գիտությունների ազգային ակադեմիայի ակադեմիկոս պարոն Խառատյանը, ՎՊՄՀ պատմության դասախոս պարոն Չատինյանը: Մասնակիցների նման կազմը բարենպաստ միջավայր էր ստեղծում արշավի նպատակներից մեկին` անչափահասների մոտ համայնքի լիարժեք անդամ լինելու գիտակցության ամրապնդմանը հասնելու համար: (Մի հետաքրքիր փաստ. արշավի մասնակիցների թվում էին մի գործի շրջանակներում ՀՎԿ ուղղորդված իրավախախտն ու նույն գործով ներգրավված տուժողը: Արդյունքը: Այս երկուսի անստվեր ու ընկերական փոխհարաբերությունները ամբողջ արշավի ընթացքում:)

Արշավը ներառում էր այցելություն Գոշավանք, որտեղ իր հիմնական գործունեությունն է ծավալել Մխիթար Գոշը), Գոշ գյուղի երկրագիտական թանգարան, գյուղի մոտակայքում գտնվող փոքրիկ լճակ:

Հենց լճակի մոտ էլ կազմակերպվեց արշավի երկրորդ հիմնական բաղադրիչը` Մխիթար Գոշի առակների ներկայացումն ու դրանց շուրջ քննարկումը: ՎԽ անդամ Գնելը ընդհանուր գծերով ներկայացրեց սցենար գրելու և Ֆիլմ նկարահանելու ամենաէական սկզբունքներն ու առանձնահատկությունները: Քննարկումների արդյունքում ընտրվեց Գոշի առակներից մեկը, որի հիման վրա կպատրաստվի մի փոքր Ֆիլմ` դառնալով Վանաձորի ՀՎԿ և թիվ 5 դպրոցի ԱՎԽ համատեղ արտադրանքը, ինչն էլ ամուր կապ կստեղծի արշավի մասնակիցների միջև: Ֆիլմի պատրաստման աշխատանքները կսկսվեն սեպտեմբերից` դառնալով այս արշավի իմատալից շարունակությունն ու արդյունավետ ամփոփումը:


Go to Main Page
Փի-Էյչ Ինթերնեշնլ-Հայաստան
Երզնկյան 27/3 փող., | Երևան, Հայաստան | 0033
T  (+374 10) 32-11-13; 32-11-14 | F  (+374 10) 32-11-13 | E 
Վերմոնտ  |  Մոսկվա  |  Skopje  |  Թբիլիսի  |  Երևան  |  Կիև
ԱՄՆ   Ռուսաստան   Makedonian   Վրաստան   Հայաստան   Ուկրաինա
Մեր մասին Գործունեությունը Գրասենյակներ Մեր նվաճումները Ձեր օժանդակությունը Նորություններ