2010 წელს PH International დაარსებიდან ოცდამეხუთე იუბილეს აღნიშნავს და განაგრძობს ძალისხმევას ორგანიზაციის ძირითადი მისიის მისაღწევად, რაც ძლიერი მსოფლიო საზოგადოების მშენებლბას გულისხმობს სამოქალაქო ლიდერობის განვითარების, თანამედროვე ტექნოლოგიების გამოყენებისა და კულტურათაშორისი ურთიერთობების ხელშეწყობის გზით.  PH International-ის პროექტების ბენეფიციარები მსოფლიოს სხვადასხვა ქვეყნის მოზარდები, ახალგაზრდები, ოჯახები, საზოგადოებები და მმართველობები არიან და მათთან მუშაობის მთავარი მიზანი  ორგანიზაციის მისიის თანახმად ხალხთა შორის ურთიერთგაგების, ცოდნის გაღრმავებისა და უნარ-ჩვევების განვითარების ხელშეწყობაა.  PH International-ის მრავალეროვანი გუნდი კი ამ მისიის განხორციელებაში მთავარ დასაყრდენ ძალას წარმოადგენს.