Qëllimi i Programit për socializim juridik në Maqedoni (PSJM) është përforcimi i kuptimit dhe respektit tek të rinjtë për sundimin e ligjit, si dhe zvogëlimi i nivelit të kriminalitetit të të miturve dhe delikuencës. PSJM e trajton këtë qëllim përmes qasjes që krijon partneritete të bashkëpunimit mes të rinjve, edukatorëve, zbatuesve të ligjit dhe profesionistëve të drejtësisë për të miturit në mjediset e përziera etnike, ku do të implementohet sistemi i posaçëm i mësimit në shkolla që bazohet në përvojën e nxënësve.

Pilot-programi i PSJM-së do të përfshijë 300-360 të rinj në tre komuna të Republikës së Maqedonisë, duke bashkuar 30 mësimdhënës dhe 12 efektivë policorë si ekipe mësimdhënëse që do të punojnë me të rinjtë në shkolla, përmes aplikimit të qasjes së fokusuar tek nxënësit për transferin e diturisë dhe aftësive mbi ligjin, procedurat juridike dhe Kodin e shqyrtuar penal, në drejtim të krijimit të kuptimit dhe raporteve gjegjëse.

Synimet konkrete të projektit janë: (a) rritja e numrit të të rinjve në Republikën e Maqedonisë që kanë kuptim më të gjerë për të drejtat dhe përgjegjësitë e tyre si qytetarë; (b) krijimi i partneritetit mes Ministrisë së arsimit dhe shkencës, Ministrisë së punëve të brendshme dhe institucioneve tjera relevante që rezultojnë me programe të reja mësimore për nxënësit e Republikës së Maqedonisë, që e