Միչիգանում, Համայնքային կապեր ծրագրի շրջանակներում կազմակերպված երեք շաբաթ տևողությամբ փոխանակման ծրագրի ընթացքում, Սարդարյանը հասցրեց ուսումնասիրել Միացյալ Նահանգների հատուկ կրթության համակարգը, հաճախելով դասախոսությունների, որոնք ուղղված էին հատուկ կարիքներ ունեցող անձանց համապատասխան աջակցության տրամադրման գործընթացին, ինչպես նաև հանդիպելով հոգեբանության ոլորտի մասնագետների հետ:

Դոկտոր Պաուլա Կոհլերի կողմից ներկայացված “Համագործակցենք` բարելավելու անցումնային ժամանակահատվածի հետևանքները” դասախոսությունը հատկապես մեծ ազդեցություն ունեցավ Ելանայի վրա: Այն լուսաբանում էր այն խնդիրները, որոնք ծառանում են հատուկ կարիքներ ունեցող անձանց առջև հասարակության լիիրավ անդամ դառնալու ճանապարհին: Դոկտոր Կոհլերը նաև մի շարք լուծումներ առաջարկեց այդ դժվարությունները հաղթահարելու համար:

Փոխանակման ընթացքում Սարդարյանը ականատես եղավ, թե ինչպիսի դեր են խսղում կամավորները այդ խնդիրները լուծելու գործընթացում և իր մեջ որոշում կայացրեց կամավորության գաղափարը Հայաստանում տարածելու մասին: “ԱՄՆ իմ կատարած այցելությունը նպաստեց, որպեսզի ես ավելի խորությամբ ընկալեմ հատուկ կրթության գաղափարը”, մանրամասնում է Սարդարյանը: “ Ես հասկացա յուրաքանչյուրի մասնակցության կարևորությունը, և հատկապես հոգեբանի դերը այդ դժվարին աշխատանքում ուզգացի ինձ պահանջարկ վայելող մասնագետ”:

Հայաստան վերադառնալուն պես, Սարդարյանը դարձավ UNISON հասարակական կազմակերպության անդամ, որի նպատակն է աջակցել հատուկ կարիքներ ունեցող անձանց: Որպես դասախոս և ՀԿ ներկայացուցիչ, Ելենան հարցում կազմակերպեց` բացահայտելու հարցման մասնակիցների հիմնական հոգեբանական կարիքները: Այն նպատակ ուներ նաև նոր մասնագետներ ու մասնակիցներ ներգրավել հատուկ կարիքներով անձանց կարիքները բավարարելու գործընթացում:

Հարցման արդյունքում, 18 ուսանողներ հոգեբանական աջակցություն ցուցաբերեցին 157 հատուկ կարիքներ ունեցող անձանց վեց ամսվա ընթացքում պարբերական տնայցեր կատարելու միջոցով: Այս նախաձեռնությունը հաջողությամբ պսակվեց: Սարդարյանը նշում է. “Որպես երիտասարդ մասնագետ, ես ուրախ էի` տեսնելով շահառուների ակնհայտ բավարարվածությունը: Որպես դասախոս` ես հպարտացա, տեսնելով ուսանողների ինքնագնահատման բարձրացումն ու իրենց մասնագիտության ավելի լավ գիտակցումը: Որպես փոխանակման մասնակից` ես ոգեշնչվեցի` ականատես լինելով Հայաստանում կամավորության սկզբունքի հաջող կիրառմանը”: