 Administrator Login
|
|
|
 |  |
|
2009թ. օգոստոս-սեպտեմբեր ամիսներին ԶԱՆԳ Իրավական Սոցիալականացման ծրագիրը կազմակերպել էր վերապատրաստման դասընթացներ Երևանի թիվ 12,18, 83, 188, 197 միջնակարգ դպրոցների ընտրված ուսուցիչների և աշակերտների համար, որոնք դիմել էին մասնակցելու «Աշակերտական վերականգնողական խորհուրդ» (ԱՎԽ) նախաձեռնությանը:
Օգոստոսի 22-ին նշված դպրոցների 5 ուսուցիչներ, որոնք հետագայում համակարգելու են ԱՎԽ գործունեությունը իրենց դպրոցներում մասնակցեցին դասընթացի, որտեղ նրանց ներկայացվեցին Վերականգնողական գործընթացի սկզբունքներն ու Աշակերտական վերականգնողական խորհրդի նպատակները: Վերապատրաստումը վարում էին ԶԱՆԳ ծրագրի ուսուցիչ և Երևանի թիվ 69 դպրոցում արդեն գործող ԱՎԽ-ն համակարգող Կարինե Սամվելյանը, ԶԱՆԳ ծրագրի համակարգող Ձյունիկ Վանեսյանը, ինչպես նաև Գյումրիի ԶԱՆԳ Համայնքային վերականգնողական կենտրոնի համակարգող Արմինե Գմյուր-Կարապետյանը, որն էլ ներկայացրեց անչափահասների վարքի առանձնահատկությունները, ֆիզիոլոգիական և հոգեբանական խնդիրների պատճառներն ու հետևանքները:
Ուսուցիչների վերապատրաստմանը հաջորդեց Աշակերտական վերականգնողական խորհուրդներին անդամակցող 50 աշակերտների եռօրյա վերապատրաստման դասընթացները, որոնք ընգրկում էին`
Դպրոցում գործող վերականգնողական խորհուրդի նպատակը
Վերականգնողական գործընթացի սկզբունքները
Դպրոցում գործող կանոնակարգի քննարկում
Իրավունք և պատասխանատվություն
Կոնֆլիկտների կանխարգելում և կառավարում
Դասընթացին ներկա էին նաև արդեն գործող առաջին ԱՎԽ անդամները` Երևանի թիվ 69 դպրոցի աշակերտները, որոնք ներկայացրեցին խորհրդում ձեռք բերած իրենց փորձը: Քննարկվեցին նաև դպրոցում տեղ գտած ամենատարածված կարգազանցության դեպքերն, ինչպիսիք են` դասերից անհարգելի բացակայությունները, գույքի վնասումը, ծխելը, խմելը, մանր գողությունը: Դերախաղերի և խմբային աշխատանքների միջոցով մասնակիցները հնարավորություն ունեցան մասնակցելու վերականգնողական գործընթացին:
ԱՎԽ նախաձեռնությունն իրականացվում է ԶԱՆԳ ծրագրի և դպրոցների տնօրինությունների սերթ համագործակցությամբ և նպատակ ունի օժանդակել աշակերտներին` մասնակցելու դպրոցական առօրյային, աջակցելու դպրոցական համայնքին ստեղծելու ավելի կարգապահ և անվտանգ միջավայր, հնարավորություն տալու աշակերտներին օգտագործել իրենց իրավական գիտելիքներն ու կարողությունները և մատուցելու վերականգնողական ծառայություն` կապ ստեղծելով կարգազանցի և դպրոցական համայնքի միջև:
Նախատեսվում է, որ 2009 թ. հոկտեմբերից մինչը 2010թ. մարտը նոր ստեղծված ԱՎԽ-ները կգործեն Փի-Էյչ Ինթերնեշնլ կազմակերպության աջակցությամբ, որից հետո, ձեռք բերելով անհրաժեշտ փորձ և հմտություն կարող են աշխատել ինքնուրույն, զարգացնելով կայուն և երկարաժամկետ գործունեություն:
| |
 | |  |
|
|
|
|
|
