Ավագ դպրոցների համար ԱՄՆ-ում կազմակերպվող վերապատրաստման համար կարող են դիմել նաև այս տարի ավագ դպրոցների ցանկը լրացրած դպրոցները` ընդամենը թվով 91: Դիմումները հանձնելու վերջնաժամկետն է սույն թվականի սեպտեմբերի 3-ը, ժ. 15:00:

2005թ. սեպտեմբերից Հայաստանում ԱՄՆ Միջազգային զարգացման գործակալությունը և Փի-Էյչ Ինթերնեշնլ կազմակերպության հայկական մասնաճյուղը ներկայացնում են Համայնքային կապեր ծրագիրը Հայաստանում և պարբերաբար հայտարարում են տարբեր ոլորտների ներկայացուցիչների համար մրցույթ՝ առաջարկելով ընտրված մասնակիցներին Ամերիկայի Միացյալ Նահանգներում մասնագիտական ոչ խորը վերապատրաստման, ճանաչողական և միջմշակութային փոխըմբռնման ծրագիր: Ներկա պահին "Ավագ դպրոցների համակարգի բարեփոխման ծրագրի" շրջանակներում մրցույթ է հայտարարվում Հայաստանում գործող բոլոր 91 ավագ դպրոցների  տնօրենների համար: Մրցույթի արդյունքում ընտրվելու են տաս դիմորդներ:   

Ուշադրություն. "Աշխատուժի զարգացմանն ուղղված համագործակցություն համալսարանների միջև և համալսարանների հետ" ծրագրի դիմումները ընդունվում են մինչև սույն թ. հունիսի 16-ը. ժ. 18:00

2005թ. սեպտեմբերից Հայաստանում ԱՄՆ Միջազգային զարգացման գործակալությունը և Փի-Էյչ Ինթերնեշնլը ներկայացնում են Համայնքային կապեր ծրագիրը Հայաստանում և կազմակերպում են տարբեր ոլորտների ներկայացուցիչների ընտրության մրցույթը՝ ընտրված մասնակիցներին Միացյալ Նահանգներ վերապատրաստման ուղարկելու համար: Ներկա պահին մրցույթ է հայտարարվում "Աշխատուժի զարգացմանն ուղղված համագործակցություն համալսարանների միջև և համալսարանների հետ" թեմայով: Մրցույթը բաց է Հայաստանի բուհերի միայն Ֆինանսական/ակտուար մաթեմատիկայի, Գյուղատնտեսական, Էներգետիկայի, Բնապահպանության/Էկոլոգիայի,  Ինտերնետ տեխնոլոգիաների, Տուրիզմի, Դեղագործական, Ժուռնալիստիկայի և Իրավագիտության/Իրավաբանության ֆակուլտետների դեկանների, ուսումնական ու վարչական աշխատանքների գծով պրոռեկտորների և հաստատության կառավարման համար պատասխանատու ղեկավար այլ անձանց համար: Մրցույթի արդյունքում ընտրվելու են տաս դիմորդներ: