|
05.05.2010 | dotcom am | ԴՈԹՔՈՄ - ՖԼԵՔՍ
Երիտասարդ հայ աշակերտներ Մարինե Ղազարյանը, Դավիթ Ավոյանը և Շահեն Մաիլյանը մասնակցում են ԴՈԹՔՈՄ ծրագրին, որը սկսվել է 2008թ. հոկտեմբերին ԱՄՆ պետ. դեպարտամենտի կրթության և մշակույթի գործերի բաժնի ֆինանսավորմամբ և իրականացվում է “Փի-Էյչ Ինթերնեշնլ” կազմակերպության կողմից: Ծրագրի շրջանակներում երիտասարդները ստեղծեցին իրենց բլոգերը, որտեղ և կատարում էին առաջադրանքները: Շուտով նրանք և Հայաստանից ևս 7 այլ աշակերտներ ընտրվեցին՝ մասնակցելու 2010թ. հուլիսին ԱՄՆ-ում կազմակերպված 3-շաբաթյա միջմշակութային ճանաչողոթյանը և մեդիայի ուսուցմանը նվիրված փոխանակման ծրագրին, որտեղ էլ նրանք հանդիպեցին 10 ամերիկացի և 10 ադրբեջանցի իրենց գործընկերներին: Հաճելի էր հաղորդակցվել և շփվել տարբեր մշակույթի տեր մարդկանց հետ և միասին պատրաստել տարբեր սոցիալական խնդիրների մասին իրազեկող10 ֆիլմեր:
Վերադառնալով Հայաստան՝ ԴՈԹՔՈՄ ծրագրի մասնակիցները շարունակեցին իրենց շփումն ու հաղորդակցումը սոցիալական ցանցերում: Օնլայն աշխատանքներին զուգահեռ, Երևանի մի քանի դպրոցներում նրանք ինքնուրույն կազմակերպեցին ուսումնական դասընթացներ սոցիալական մեդիայի (տեղեկատվական միջոցների) դերի և Web 2.0 գործիքների մասին:
Այնուհետև ծրագիրը շարունակվեց ամերիկացի, հայ և ադրբեջանցի 10-ական մասնակիցների հանդիպումով Կովկասում: Մարինեն, Դավիթը և Շահենը մյուս աշակերտների հետ միասին մասնակցեցին Վրաստանում կայացած “Սոցիալական մեդիան սոցիալական փոփոխությունների համար” համաժողովին: Չնայած սոցիալական մեդիայի ոլորտում նրանք սկսնակներ չէին, այնուամենայնիվ դեռևս շատ բան ունեին սովորելու: Համաժողովի ժամանակ ամբողջ աշխարհից բազմաթիվ մասնագետներ ներկայացրեցին առանձնահատուկ և շատ հետաքրքիր զեկույցներ սոցիալական մեդիայի գործնական կիրառման հաջողությունների մասին:
ԴՈԹՔՈՄ ծրագիրն անչափ ոգեշնչել է Մարինեին, Դավիթին և Շահենին: Թեև ծրագիրն ավարտվելու է 2010թ.-ի հունիսին, այս աշակերտները որոշել են ԴՈԹՔՈՄ-ով սկսված իրենց ուսումնական փորձառությունը շարունակել միջազգային այլ նախաձեռնություններին մասակցելով: Նրանք դիմել էին ԱՄՆ պետդեպարտամենտի կողմից ֆինանսավորվող FLEX (ապագա լիդերների փոխանակում) ծրագրին և ընդգրկվել հաղթող մասնակիցների ցուցակում: Մարինեն, Դավիթը և Շահենը անհամբերությամբ են սպասում իրենց գալիք հետաքրքիր ուսումնական տարվան Միացյալ Նահանգներում: Դավիթն ադեն իսկ սկսել է իր նոր բլոգը՝ նվիրված ԱՄՆ-ում գալիք ուսումնական տարվան: Վերջինս ակնհայտորեն կօգնի հարստացնել իրենց գիտելիքները և կպարգևի անմոռանալի հիշողություններ:
| 10.04.2010 | ccf | Հարցում Հայաստանի թատրոնների կառավարման հիմունքների վերաբերյալ
Համայնքային կապեր ծրագրի շրջանավարտ և Երևանի Թատրոնի և կինոյի պետական ինստիտուտի, Թատրոնի և կինոյի ֆակուլտետի դեկանի տեղակալ Արմեն Հարությունյանը 2009թ. Հայաստանի մի շարք թատրոններում անցկացրեց թատրոնի կառավարման հիմունքներին ուղղված համապարփակ հարցում: Բազում հանդիպումների, հարցազրույցների, տվյալների ուսումնասիրրության արդյունքում նա` Մշակույթի նախարարության աջակցությամբ պատրաստեց մի զեկույց` համապատասխան առաջարկություններով հանդերձ: Զեկույցը կհրատարակվի ու կկիրառվի որպես ուղեցույց թատրոնի կառավարման ոլորտի մասնագետների համար:
| 15.01.2010 | zang | ԶԱՆԳ Համայնքային վերականգնողական կենտրոններ
2006 – 2010 թթ. ՀՀ Ոստիկանության Երեխայի պաշտպանության ազգային ծրագրի շրջանակներում Փի-Էյչ Ինթերնեշնլը համագործակցելով ՀՀ Ոստիկանության հետ իրականացնում է Համայնքային վերականգնողական կենտրոնների (ՀՎԿ) ստեղծման ծրագիրը, որի նպատակն է աջակցել անչափահաս իրավախախտներին: Հանրապետությունում արդեն գործում են 6 ՀՎԿ-ներ` Երևանում, Գյումրիում, Վանաձորում, Ալավերդիում, Իջևանում և Ճամբարակում: Համագործակցելով իրավապահների, անչափահասներին ուղղված ծրագրերի, համայնքի և պատանիների հետ ՀԿՎ-ները իրականացնում են վերականգնողական աշխատանքներ իրավախախտում կատարած անչափահասների համար: Այս աշխատանքները նպատակ ունեն նվազեցնել անչափահասների մոտ վտանգավոր վարքագծի դրսևորման դեպքերն ու հանցագործությունները, և նպաստել հասարակական անվտանգության ապահովմանը: Այսօրվա դրությամբ 356 անչափահաս իրավախախտներ ուղղորդվել են ՀՎԿ-ներ, որոնցից մեծ մասը վերականգնողական գործընթացին մասնակցելուց հետո ցուցաբերել է վարքի զգալի դրական փոփոխություն, ինչպես վկայում են նրանց ծնողներն ու ուսուցիչները մեծացել է նաև նրանց հաճախելիությունը դպրոց և բարձրացել է առաջադիմությունը:
| 13.10.2009 | ccf | Համագործակցությունը նոր դռներ է բացում դեպի բարելավված սոցիալական ծառայություններ
Երևանի պետական համալսարանի Սոցիալական աշխատանք ամբիոնի վարիչ Արտակ Խաչատրյանը խոշոր նորամուծություններ է իրականացնում սոցիալական աշխատանք ֆակուլտետի ուսանողների պրակտիկայի կազմակերպման հարցում: Լինելով Համայնքային կապեր ծրագրի 2009թ. Սոցիալական աշխատանք թեմայի շրջանավարտ` Խաչատրյանը աննախադեպ համագործակցության հիմք դրեց Երևանի պետական համալսարանի և ՀՀ Աշխատանքի և սոցիալական հարցերի նախարարության միջև: Այդ համագործակցությունը կնպաստի ուսանողների պրակտիկայի կազմակերպման ավելի լայն հնարավորությունների ստեղծմանը, ներառյալ դրա կազմակերպումը ՀՀ Աշխատանքի և սոցիալական հարցերի նախարարությունում և տարածքային սոցիալական ծառայությունների գրասենյակներում: Խաչատրյանը նաև կվերապատրաստի սոցիալական աշխատողներին` նախքան ուսանողների հետ աշխատելը: Այս նախաձեռնությունն ուղղված է` վերացնելու ուսումնական հաստատության և պրակտիկ դաշտում առկա բացը, որի շնորհիվ պրակտիկա անցնող ուսանողները կստանան համարժեք տեսական և պրակտիկ գիտելիքներ:
| 17.09.2009 | zang | SMILE project in Vanadzor - by Youth for Youth
In June 2009 Lilit Matsakyan, ECA alumni, and Davit Martirosyan, Restorative Board Member in Vanadzor Community Justice Center (CJC) of the ZANG Armenian Legal Socialization Program jointly applied to mini SMILE project grants competition announced by IREX. They were awarded with $244 to implement a project called Helping Youth for Better Communities which aimed at reinforcing healthy and mutually caring relationships between delinquent youth and socially more protected youth groups of the community.
| | > Հաջողության պատմությունների շտեմարան |
| |
Administrator Login
